بلوچستان کے علاقے دکی اور تربت میں دھماکہ خیز مواد پھٹنے اور فائرنگ کے دو واقعات میں 2 افراد ہلاک ہوگئے۔
منگل کو دکی کی تحصیل لونی کے علاقے کلی ڈنیمہ میں سڑک کے کنارے نصب دھماکہ خیز مواد پھٹنے سے ایک موٹرسائیکل سوار شخص گل بیگ ہلاک ہوگیا ۔
دھماکے کی اطلاع ملتے ہی پولیس اورسیکورٹی فورسز کی بھاری نفری موقع پر پہنچ گئی اور نعش قبضے میں لیکر ہسپتال پہنچادی جہاں نعش ضروری کارروائی کے بعد ورثاءکے حوالے کردی گئیں ۔
پولیس مزید کارروائی کر رہی ہے۔
دوسری جانب مکران کے ضلع تمپ کے علاقے ہوت آباد میں نامعلوم مسلح افراد کی فائرنگ سے ایک شخص ہلاک ہوگیا۔
ابتدائی اطلاعات کے مطابق ظہیر احمد ولد قدیر احمد، سکنہ ہوت آباد اپنی کرولا کار میں موجود تھے کہ نامعلوم مسلح افراد نے ان پر فائرنگ کر دی جس کے نتیجے میں وہ موقع پر ہی ہلاک ہوگئے۔
لاش کو ضروری قانونی کارروائی کے لیے ہسپتال منتقل کر دیا گیا۔
پولیس نے واقعے کی تحقیقات شروع کر دی ہیں ۔
