بلوچستان کے علاقے خاران شہرمیں نامعلوم مسلح افراد نے ٹھیکیدار عبدالطیف نوتیزئی کی پلانٹس پر حملہ کرکے مشینریز نذر آتش کردیئے جبکہ ایک گاڑی بھی ساتھ لے گئے۔
ذرائع کے مطابق خاران شہر باب خاران کے مقام واقع ٹھیکیدار عبدالطیف نوتیزئی کی کریش اور ڈامبر پلانٹس پر نامعلوم مسلح افراد کی جانب سے حملہ کیا گیا ۔
وہاں موجود پلانٹس مشینری اور گاڑیوں کو نذر آتش کردیا گیا جبکہ نامعلوم مسلح افراد کی جانب سے پلانٹ میں ایک آئی ڈی بم بھی نصب کیا گیا تھا۔
حملے کے بعد نامعلوم مسلح افراد ایک سائیٹ سے ایک گاڑی بھی اپنے ساتھ لیکر جائے وقوعہ سے نکل گئے اور پولیس اور سیکورٹی فورسز نے علاقے کو گھیرے میں لیکر موقع پر پہنچ کر بم کو ناکارہ بنا دیا اور مزید تحقیقات شروع کردی۔
واضع رہے کہ اس سے قبل بھی ٹھیکیدار عبدالطیف نوتیزئی کی سرکاری اور ذاتی پروجیکٹس اور پلانٹس پر نامعلوم مسلح افراد کی جانب سے متعدد حملے کئے جاچکے ہیں۔
