بلوچ آزادی پسند اور بی ایل ایف کے رہنماڈاکٹر اللہ نذر بلوچ نے سماجی رابطے کی ویب سائٹ ٹوئٹر پر اپنے ایک ٹوئیٹ میں اقوام متحدہ کے سیکرٹری جنرل آنتونیوگیوتیریس کو دورہ پاکستان کے حوالے سے مخاطب کرتے ہوئے کہا کہ
”جناب سیکریٹری جنرل اقوام متحدہ، آنتونیوگیوتیریس، آپ اس ریاست کا دورہ کر رہے ہیں جس نے ہمارے وطن پر قبضہ کر رکھا ہے، ہمیں قتل کرتا ہے، چالیس ہزار سے زائد افراد اب بھی اس کی اذیت گاہوں میں موجود ہیں۔ اپنے دورے کے دوران، یہ بات ذہن میں رکھیں کہ بلوچ عالمی اصولوں کے مطابق اپنی آزادی کی جنگ لڑ رہے ہیں جس کی اقوام متحدہ کے چارٹر نے توثیق کی ہے۔“
واضع رہے کہ اقوام متحدہ کے سیکریٹری جنرل انتونیو گوتریس افغان مہاجرین کے پاکستان میں 40 برس مکمل ہونے سے متعلق بین الاقوامی کانفرنس میں شرکت کے لیے 16فروری سے 19 فروری تک پاکستان کا 4 روزہ دورہ کریں گے۔
