بلوچستان کے ضلع کیچ کے مرکزی شہر تربت میں دو مختلف واقعات نے شہر میں بے چینی کی فضا پیدا کر دی۔
پہلے واقعے میں چوگان کنڈ کے قریب مسلح افراد نے پولیس کی گشتی ٹیم کو نشانہ بنایا۔
حملہ آور ڈی ایس پی کی گاڑی اور سرکاری اسلحہ چھین کر فرار ہوگئے۔
تاہم واقعے میں کسی جانی نقصان کی اطلاع نہیں ملی۔
اسی دوران شہر کے ایک اور حصے میں تربت انٹرنیشنل ایئرپورٹ کی جانب سے نمازِ عشاء کے وقت ایک زور دار دھماکے کی آواز سنی گئی، جس سے علاقے میں خوف و ہراس پھیل گیا۔
دھماکے کی نوعیت کے بارے میں تاحال سرکاری سطح پر کوئی تصدیق یا وضاحت سامنے نہیں آئی، جبکہ سیکیورٹی ادارے معاملے کی تحقیقات میں مصروف ہیں۔
دونوں واقعات گذشتہ شب پیش آئے۔
پولیس فورس پر حملے کی ذمہ داری تاحال کسی مسلح تنظیم نے قبول نہیں کی ہے۔
