بلوچستان کے سرکاری ملازمین کی اتحاد گرینڈ الائنس نے اپنے مطالبات کے حق میں جیل بھرو تحریک شروع کردی،مرکزی رہنمائوں نے کوئٹہ میں پولیس کو گرفتاریاں پیش کردیں۔
آرگنائزر گرینڈ الائنس پروفیسر عبدالقدوس کاکڑ، ڈاکٹر محمد اکرم وردگ، خادم بگٹی، حاجی یونس کاکڑ، قائم خان کاکڑ، ایپکا کوئٹہ کے صدر رحمت اللہ زہری، ایپکا بی ایم سی کے سید باسط شاہ سمیت ممبران آرگنائزنگ و کور کمیٹی و درجنوں ملازمین نے گرفتاریاں پیش کرکے جیل بھرو تحریک کا آغاز کردیا۔
قدوس کاکڑ نے کہا کہ گرفتاری پیش کرنے والے ملازمین کے ساتھ پولیس کا رویہ قابل مذمت ہے۔
ان کا کہنا تھا کہ دو ہفتوں میں ہزاروں ملازمین خود تھانوں میں جاکر گرفتاریاں دیں گے۔
