بلوچستان کے ضلع آواران سے اطلاعات ہیں کہ جھاؤ کے علاقے میں پاکستانی فوج نے دوران جارحیت مختلف مقامات سے متعدد افراد کو حراست میں لے کر جبری گمشدگی کا نشانہ بنایا۔
ذرائع کا کہنا ہے کہ حراست میں لئے گئے افراد کو فوجی کیمپ میں منتقل کرتے دیکھاگیا ہے لیکن اب ان کے حوالے سے کوئی خبر نہیں ہے۔
جبری گمشدگی کا نشانہ بنائے گئے افراد میں 9 کی شناخت ہوگئی ہے جن میں عبدالستار ولد محمد، حلیل احمد ولد جام خان، الٰہی بخش ولد والی، اکبر اسلم، جمال اسلم، ہدا بخش ولد اسلم، اسلم ولد بوہیر، محمد بخدال، محمد عالم شامل ہیں۔
ذرائع کا کہنا ہے کہ جبری لاپتہ ہونے والوں کی اصل تعداد اس سے کہیں زیادہ ہے، تاہم ان کی شناخت تاحال نہیں ہوسکی ہے۔
علاقائی ذرائع کا کہنا ہے کہ فوجی جارحیت اب بھی جاری ہے اور علاقے کے لوگ خوف ، عدم تحفظ اور غیریقینی صورتحال کا شاکار ہیں۔
