بلوچستان کے علاقے خضدار میں گذشتہ شب پاکستانی فورسزایف سی اہلکاروں کی بدسلوکی اور تشدد کے واقعے کے خلاف شہریوں نے شدید احتجاج کرتے ہوئے مین آر سی ڈی شاہراہ کو ٹریفک کے لیے بند کر دیا۔
عینی شاہدین کا کہنا ہے کہ ایف سی اہلکاروں نے ایک زمباد گاڑی کو مین آر سی ڈی روڈ پر روک کر اس میں سوار ڈرائیور پر تشدد کیا جس کے نتیجے میں ڈرائیور شدید زخمی ہو کر بے ہوش ہو گیا۔
واقعے کے بعد علاقہ مکینوں اور فورسز کے رویے کے خلاف احتجاج کرتے ہوئے سڑک بلاک کر دی، جس کے باعث قومی شاہراہ پر گاڑیوں کی لمبی قطاریں لگ گئیں اور ٹریفک معطل ہو کر رہ گئی۔
مظاہرین کا کہنا ہے کہ جب تک ذمہ دار اہلکاروں کے خلاف کارروائی اور متاثرہ ڈرائیور کو انصاف کی یقین دہانی نہیں کرائی جاتی، احتجاج جاری رہے گا۔
