بلوچستان کے ضلع آواران شہر پر آج پاکستانی فورسز کی جانب سے فائر کیے گئے مارٹر گولے گھروں پر گرنے کے نتیجے میں خواتین اور بچوں سمیت 7 افراد زخمی ہو گئے۔
عینی شاہدین کے مطابق فورسز نے متعدد مارٹر گولے فائر کیے جو مختلف گھروں پر آگرے۔
زخمیوں کو مقامی لوگوں نے اپنی مدد آپ کے تحت اسپتال منتقل کیا، جبکہ چند زخمیوں کی حالت تشویشناک بتائی جاتی ہے۔
واضح رہے کہ اس سے قبل بھی آواران، خضدار اور کیچ کے مختلف علاقوں میں مقامی آبادی پاکستانی فورسز کی جانب سے فائر کیے گئے مارٹر گولوں کی زد میں آتی رہی ہے۔
