بلوچستان کے علاقے مچھ میں نامعلوم مسلح افراد نے جعفر ایکسپریس ٹرین پر حملہ کیا ۔
واقعہ بولان کے علاقے مچھ اورآب گم کے قریب پیش آیا جہاں مسلح افراد نے کوئٹہ سے پشاور جانے والی جعفر ایکسپریس ٹرین پر فائرنگ کی ۔
حکام کے مطابق فائرنگ سے کسی جانی نقصان کی اطلاع نہیں ملی۔
ریلوے ذرائع کے مطابق ٹرین کو سیکورٹی کلیئرنس کے بعد منزل مقصود کی جانب روانہ کردیا گیا ۔
ریلوے حکام کے مطابق ٹرین بحفاظت سبی ریلوے اسٹیشن پر پہنچ گئی۔
بلوچ آزادی پسند تنظیمیں ٹرین پر حملوں کی ذمہ داریاں قبول کرتی رہتی ہیں تاہم اب تک اس حملے کی ذمہ داری تاحال کسی تنظیم نے قبول نہیں کی ہے۔
