بلوچستان کے ضلع کیچ کی تحصیل بلیدہ میں پاکستانی فوج کے ایک موٹر سائیکل سکیورٹی قافلے پر مسلح حملے کی اطلاعات سامنے آئی ہیں۔
ذرائع کا کہنا ہے کہ نامعلوم مسلح افراد کی جانب سے کئے گئے حملے کے نتیجے میں فوجی اہلکاروں کو جانی نقصان پہنچا ہے۔
ذرائع کے مطابق واقعہ آج بروزمنگل دوپہرکو بلیدہ کے علاقے زیردان میں اس وقت پیش آیا جب فوج کے 4 اہلکار دو موٹر سائیکلوں پر سوار ہو کر مرکزی قافلے کو سکیورٹی فراہم کر رہے تھے۔
اسی دوران نامعلوم مسلح افراد نے اہلکاروں کو نشانہ بنایا۔
سرکار ی سطح پر مذکورہ حملے کے حوالے سے کوئی موقف سامنے نہیں آیا اور نہ ہی کسی تنظیم نے اس کی ذمہ داری قبول کرلی ہے۔
