بلوچستان لبریشن فرنٹ ( بی ایل ایف) کے ترجمان میجر گہرام بلوچ نے میڈیا کو جاری کردہ اپنے ایک پریس ریلیز میں کچھی میں پولیس تھانے پر قبضہ کرکے اسلحہ ضبط کرنے اور قلات میں بوزر گاڑی کو نشانہ بنانے کی ذمہ داری قبول کرلی۔
ترجمان نے کہا کہ بلوچستان لبریشن فرنٹ کے سرمچاروں نے 4 نومبر بروز منگل بوقت دوپہر ایک بجے کچھی کے علاقے کھٹن میں پولیس تھانے کا گھیراؤ کرکے ڈیوٹی پر موجود اہلکاروں کو گرفتار کیا اور تھانے میں موجود سرکاری اسلحہ و دستاویزات قبضے میں لیکر تھانے کو نذر آتش کردیا جبکہ اہلکاروں کو بعد ازاں چھوڑ دیا۔
انہوں نے کہا کہ سرمچاروں نے یکم نومبر کو قلات ٹول پلازہ کے قریب مرجان ہوٹل میں ایک بوزر گاڑی کو نشانہ بنا کر جزوی نقصان پہنچایا اور گاڑی کے ڈرائیور آفتاب ولد نثار جو پنجاب کے رہائشی ہے جو حراست میں لیا جو ابھی تک تنظیم کی تحویل میں ہے۔
ان کا کہنا تھا کہ بلوچستان لبریشن فرنٹ کچھی میں پولیس اسٹیشن پر قبضے، اسلحہ و دستاویزات کو ضبط کرنے اور قلات میں بوزر گاڑی کو نقصان پہنچانے اور ڈرائیور کو حراست میں لینے کی زمہ داری قبول کرتی ہے۔
