بلوچ اسٹوڈنٹس ایکشن کمیٹی(بساک) کا چوتھا مرکزی کونسل سیشن بعنوان “بیادِ عطاشاد و آزاد جمالدینی، بنام بلوچ خواتین” سابق چیئرمین شبیر بلوچ کی زیرِ صدارت ضلع کیچ کے مرکزی شہر تربت میں منعقد ہوا۔
اجلاس میں تنظیمی امور، آئندہ لائحہ عمل اور پالیسی معاملات پر تفصیلی غور کیا گیا۔
سیشن کے دوران تنظیم کے مرکزی الیکشن بھی منعقد ہوئے، جن میں اُزیر بلوچ کو مرکزی چیئرمین اور پیرجان بلوچ کو سیکرٹری جنرل منتخب کیا گیا۔
مرکزی ترجمان کے مطابق نومنتخب قیادت کی حلف برداری تقریب کل سرکٹ ہاؤس ہال، کیچ میں منعقد ہوگی۔
جبکہ اجلاس کی تفصیلی رپورٹ آئندہ چند روز میں میڈیا کے ذریعے جاری کی جائے گی۔
