بلوچ لبریشن آرمی ( بی ایل اے )کے ترجمان جیئند بلوچ نے میڈیا کو جاری کردہ اپنے ایک پریس ریلیز میں قلات اور تربت حملوں میں پاکستانی پاکستانی فوج کے 6 اہلکار وں کی ہلاکت کی ذمہ داری قبول کرلی۔
انہوں نے کہا کہ بلوچ لبریشن آرمی کے سرمچاروں نے قلات اور تربت میں دو مختلف حملوں میں قابض پاکستانی فوج کو نشانہ بنایا۔
ان کا کہنا تھا کہ بی ایل اے کے سرمچاروں نے قلات کے علاقے زاوہ میں قابض پاکستانی فوج پر حملہ کرکے چھ اہلکاروں کو ہلاک کردیا۔ اس حملے میں جدید اور خودکار ہتھیار استعمال کیے گئے۔
انہوں نے کہا کہ سرمچاروں نے قابض فوج کو اس وقت نشانہ بنایا جب وہ علاقے میں جارحیت کی غرض سے پیش قدمی کر رہی تھی، تاہم شدید نقصانات کے باعث قابض فوج پسپا ہونے پر مجبور ہوگئی۔
بیان میں کہا گیا کہ بلوچ لبریشن آرمی کے سرمچاروں نے گذشتہ شب تربت کے علاقے آبسر ، بورڈ کے مقام پر قابض فوج کی ایک چوکی پر دستی بم حملہ کیا، جس کے نتیجے میں فوجی اہلکاروں کو جانی و مالی نقصانات اٹھانے پڑے۔
ترجمان نے آخر میں کہا کہ بلوچ لبریشن آرمی ان حملوں کی ذمہ داری قبول کرتی ہے۔
