بلوچستان کے افغانستان سے منسلک سرحدی شہر چمن سے ایک لاپتہ شخص کی لاش برآمدہوئی ہے۔
لاش کی شناخت بشیر خان ولد حاجی نظر کے نام سے ہوگئی ہے۔
علاقائی ذرائع کا کہنا ہے کہ بشیر خان چمن کے علاقے کہول کلی موسیٰ باچا سے 7 ستمبر کو لاپتہ ہواتھا۔
ذرائع کا کہنا ہے کہ بشیر خان کی لاش پرانا چمن سے برآمد ہوئی ہے ۔
ذرائع نے دعویٰ کیا ہے کہ انہیں گاڑی میں فائرنگ کرکے قتل کیا گیا اور بعد ازاں گڑنگ کے علاقے میں ایک کنویں میں پھینک دیا گیا۔
