بلوچستان کے علاقے کولواہ ، بولان اور زامران میں گذشتہ روز اور آج بروزبدھ کو پاکستانی فورسز پر مسلح افراد کے حملے 4 اہلکارہلاک اور نگرانی کے کیمرے تباہ ہوگئے ۔
کولواہ اور بولان میں مسلح افراد نے کارروائیوں میں فوج کے کیمپ اور فوج کی نصب کردہ کیمروں کو نشانہ بنایا ہے۔
آج صبح کولواہ کے علاقے مادگ کلات میں مسلح افراد نے فورسز کے کیمپ کو مسلح حملے میں نشانہ بنایا۔
علاقائی ذرائع کے مطابق دیر تک جاری رہنے والے اس حملے میں متعدد دھماکوں کیساتھ فائرنگ کی آواز سنی گئی ہے۔
تاہم حکام نے نقصانات کے حوالے سے تاحال کوئی تفصلات فراہم نہیں کی ہے۔
دوسری جانب بولان کے علاقے شور کنڈ میں مسلح افراد نے فوج کی نصب کردہ نگرانی کیمروں کو نشانہ بناکر تباہ کردیا۔
گذشتہ روز زامران کے علاقے نوانو میں نامعلوم افراد نے فورسز کے قافلے میں شامل ایک گاڑی کو بم دھماکے میں نشانہ بناکر تباہ کردیا۔
حکام نے دھماکے میں پانچ اہلکاروں کی ہلاکت اور چار کے زخمی ہونے کی تصدیق کی ہے۔
ان حملوں کی ذمہ داری تاحال کسی نے قبول نہیں کی ہے تاہم بلوچ مسلح آزادی پسندوں تنظیمیں مذکورہ علاقوں میں متحرک ہیں۔
بلوچستان بھر میں بلوچ مسلح آزادی پسند تنظیموں کے حملے میں تیزی دیکھنے میں آئی ہے۔
