بلوچستان کے ضلع قلات کے علاقے منگچرمیں نامعلوم مسلح افراد نے چیکنگ اور شناخت کے بعد محکمہ صحت کی گاڑی کو قبضے میں لے کر اس میں سوار افراد کو چھوڑ دیا۔
لیویز ذرائع کے مطابق منگچر کے علاقے کلی گہور میں6موٹرسائیکلوں پرسوار12 نامعلوم مسلح افراد نے محکمہ ہیلتھ کی سنگل کیپ وی گاڑی کو روک کر گاڑی میں سوار افراد کو شناختی کارڈ چیک کرنے کے بعد چھوڑدیا جبکہ گاڑی اپنے ہمراہ لے کرفرار ہوگئے۔
واقعہ کے بعد لیویزنے علاقے کی ناکہ بندی کرکے ملزمان اور گاڑی کی تلاش شروع کردی۔
