یورپی کمیشن کی صدر ارسلا فان ڈیر لیئن نے اپنے پیغام میں اسرائیل سے کہا ہے کہ اسرائیل کو غزہ میں فوجی آپریشن کو وسیع کرنے کے فیصلے پر نظرثانی کرنی چاہیے۔
انھوں نے یہ پیغام سماجی رابطوں کی ویب سائٹ ایکس پر لکھا اور کہا ہے کہ مغوی جو اس وقت ناموافق حالات میں قید ہیں، کی رہائی ضروری ہے۔
ان کا یہ بھی کہنا تھا کہ غزہ میں فوری طور پر امداد کی ضرورت ہے جسے پہنچایا جانا چاہیے۔
انھوں نے غزہ میں فوری طور پر سیز فائر کا مطالبہ بھی کیا۔
