سندھ کے علاقے شکار پور کے قریب ریلوے ٹریک پر دھماکے سے جعفر ایکسپریس 3 بوگیاں الٹ گئیں۔
جعفر ایکسپریس راولپنڈی سے کوئٹہ جارہی تھی کہ اسے شکار پور کے قریب بم دھماکے سے نشانہ بنایا گیا۔
ڈی ٹی او پاکستان ریلوے کے مطابق سلطان کوٹ کے قریب ریلوے ٹریک پر دھماکہ ہوا، جس کے نتیجے میں جعفر ایکسپریس کی 3 بوگیاں پٹڑی سے اتر گئیں۔
واقعے کے بعد امدادی ٹیمیں جائے وقوعہ پر پہنچ گئیں جبکہ ٹرین سروس عارضی طور پر معطل کر دی گئی ہے۔
دوسری جانب بلوچ مسلح تنظیم بلوچ ریپبلکن گارڈز نے مذکورہ حملے کی ذمہ داری قبول کرلی۔
ترجمان نے کہا کہ بلوچ ریپبلکن گارڈز کے سرمچاروں نے آج شکار پور میں ہمائیوں شریف کے مقام پر آئی ای ڈی نصب کرکے جعفر ایکسپریس کو ریموٹ کنٹرول دھماکے میں نشانہ بنایا۔
انہوں نے کہا کہ ٹرین کو اس وقت نشانہ بنایا گیا جب اس میں قابض پاکستانی فوج کے اہلکار سفر کررہے تھے۔
ترجمان نے کہا کہ دھماکے میں متعدد اہلکار زخمی ہوگئے جبکہ ٹرین کی متعدد بوگیاں پٹڑی سے اتر گئیں۔
