بحرہ بلوچ میں گوادر کے حدو دمیں کھلے سمندر میں ماہی گیروں کی کشتی ڈوبنے سے کراچی سے تعلق رکھنے والے 5 ماہی گیر ہلاک ہوگئے۔
ریسکیو آپریشن کے دوران اتوار کے روز مزید 4 لاشیں نکال لی گئیں۔
پاکستان فشر فوک فورم کے مطابق گزشتہ روز ایک لاش نکالی گئی تھی جبکہ ایک ماہی گیر زندہ بچ گیا تھا، ماہی گیروں کی تلاش کیلئے ریسکیو آپریشن مکمل کرلیا گیا ہے۔
پاکستان فشر فوک فورم نے بتایا کہ 2 لاشیں کراچی پہنچ گئیں تھیں، جبکہ 3 لاشیں گوادر میں موجود ہیں۔
واضح رہے کہ حادثے کی شکارکشتی میں سوار ماہی گیروں کا تعلق کراچی کے علاقے ابراہیم حیدری، علی اکبر شاہ گوٹھ اور مچھر کالونی سے ہے۔
