بلوچستان کے ضلع کیچ کے علاقے ناصرآباد میں نامعلوم مسلح افراد کی فائرنگ سے ایک نوجوان ہلاک ہوگیا۔
ہلاک ہونے والے نوجوان کی شناخت سلام ولد غلام حسین کے نام سے ہوگئی ہے۔
پولیس ذرائع کے مطابق واقعہ اچانک پیش آیا، جب مقتول کو نشانہ بنایا گیا۔
فائرنگ کے بعد ملزمان موقع سے فرار ہونے میں کامیاب ہو گئے۔
مقتول کی لاش کو فوری طور پر قریبی اسپتال منتقل کیا گیا، جہاں ڈاکٹروں نے اس کی موت کی تصدیق کر دی۔
پولیس نے مقدمہ درج کر کے تفتیش کا آغاز کر دیا ہے، جب کہ واقعہ کے محرکات جاننے کی کوشش کی جا رہی ہے۔
علاقے میں خوف و ہراس کی فضا قائم ہے، اور شہریوں نے فوری طور پر ملزمان کی گرفتاری کا مطالبہ کیا ہے۔
سنگر نیوز واٹس ایپ چینل
بلوچستان کی تازہ ترین، موثق اور لمحہ بہ لمحہ خبروں سے باخبر رہنے کے لیے ہمارے واٹس ایپ چینل کو فالو کیجیے۔
