بلوچستان لبریشن فرنٹ کے ترجمان میجر گہرام بلوچ نے میڈیا کو جاری کردہ اپنے ایک پریس ریلیز میں کہا ہے کہ جھاؤ میں پاکستانی فوج کے 2 اہلکار ہلاک اور تین زخمی کئے۔
ترجمان نے کہا کہ بی ایل ایف کے سرمچاروں نے بارہ جون شام پانچ بج کر چالیس منٹ پر جھاؤ مین روڈ نونڈرہ کراس پر قائم قابض پاکستانی فوج کی چیک پوسٹ پر راکٹوں اور بھاری ہتھیاروں سے حملہ کیا جس کے نتیجے میں دشمن کے دو اہلکار ہلاک اور تین زخمی ہوئے۔
انہوں نے کہا کہ قابض پاکستانی فوج سرمچاروں کے منظم حملوں سے مکمل نفسیاتی شکست سے دو چار ہے اور اس شکست کو چھپانے اور اپنے فوجیوں کا مورال بلند کرنے کے لئے عام عوام کو جبری گمشدگی کا نشانہ بنا کر قتل کررہی ہے۔
ان کا کہنا تھا کہ اس حملے کی ویڈیو تنظیم کے آفیشل میڈیا چینل آشوب میں جلد جاری کی جائے گی۔
بیان میں کہا گیا کہ بی ایل ایف اس حملے کی زمہ داری قبول کرتی ہے اور اس عزم کا اعادہ کرتی ہے کہ آزاد بلوچستان کے حصول تک قابض فوج، ان کے تنصیبات اور آلہ کاروں پر حملے جاری رہینگے۔
