پاکستانی فوج نے خضدار کے علاقے گریشہ اور جھاؤ کے مختلف علاقوں میں آپریشن کرکے چھ افراد کو حراست میں لینے کے بعد نامعلوم مقام منتقل کردیا ہے
تفصیلات کے مطابق گریشہ میں باہڑی میں آپریشن کے دوران سنجر ولد حسن نور بخش ولد سلیم اور خیر بخش ولد سلیم جبکہ جھاؤ کے مختلف علاقوں سے گزشتہ روز بلو ولدنور محمد سکنہ سکڑی دپ، محمدجمعہ ولد رسول بخش سکنہ ڈومب اور تاج محمد ولد عطا محمد سکنہ سورگر کو حراست میں لے کر لاپتہ کیاگیا ہے۔
واضح رہے کہ جھاؤ کے پہاڑی سلسلے سورگر اور گریشہ میں گزشتہ کئی دنوں سے فوجی آپریشن جاری ہے سورگر کے پہاڑی سلسلے میں فوجی دستے اورناچ، جھاؤ اور ارہ کے راستے سے داخل ہوچکے ہیں اور مقامی ڈیتھ سکواڈ بھی بڑی تعداد میں فوج کے ہمراہ ہیں۔
علاقائی زرائع سے موصول اطلاعات کے مطابق پاکستانی فوج اپنی راشن اور اسلحہ لیجانے کے لئے بڑی تعداد میں مقامی لوگوں کے اونٹ اور گدھے اپنے قبضے میں لئے ہیں۔
خدشہ ظاہر کیا جارہا ہے کہ دوران آپریشن پاکستانی فوج کے ہاتھوں لاپتہ ہونے والوں کی تعداد کئی گنا زیادہ ہے، جاری آپریشن اور مواصلاتی نظام نہ ہونے کی وجہ مکمل تفصیلات تک رسائی حاصل کرنے میں مشکلات کا سامنا ہے
