ایرانی سرحد پر تیل کی سپلائی دو مہینوں سے بلاوجہ روکنے کے خلاف تربت سمیت ضلع کیچ میں آج مکمل شٹرڈاؤن ہڑتال کی جارہی ہے۔
ہڑتال کا اعلان آل پارٹیز کیچ، انجمن تاجران، بارڈر ٹریڈ یونین اور سماجی تنظیموں نے مشترکہ دی ہے۔
ان کے مطابق بارڈر کو کسی سبب کے بغیر دو مہینوں سے بند کیا گیا ہے جس سے مکران میں معاشی بحران جنم لے چکا ہے، یہاں روزگار کے مواقع پہلے سے ناپید ہیں معیشت واحد سبب بارڈر ٹریڈ تھا جس پر قد غن لگاکر معاشی بحران پیدا کیا گیا ہے۔
ان رہنماؤں کا کہنا ہے کہ آج کی شٹرڈاؤن ہڑتال کے بعد احتجاج کا سلسلہ بارڈر کھلنے تک جاری رہے گا یکم مئی کو اس سلسلے میں ریلی نکالی جائے گی جس میں عوام کو شرکت کی اپیل کی گئی ہے۔
ہڑتال کی کال پر بلیدہ، زامران ہیرونک، مند، تمپ سمیت مختلف علاقوں میں شٹرڈاؤن ہڑتال کی اطلاعات ہیں۔
