سنگتانی دیم ھونی ءُ وت گڑھیں بلوچ حق پانانی کودکی کردار – زبرین بلوچ

پہ کُشئگ ءَ پاکستان ءِ لشکر ہلاس نہ بیت ءُ ما پہ کُشّگ ءَ اے جنگ بندات نہ کُتگ ما اے جنگ پہ ھتم بوئگ ءَ بندات کتگ ھما ھتم بئیگ کہ جنگ ءِ سوب مندی مئے بہ ببیت چار لشکری مِریت یا سد اے مئے جیڑھ نہ اِنت ناں کہ اشانی مِرگءَ چے پاکستان ءِ لشکری کم تَرّنت ۔
مئے جیڑھ گوں پاکستان ءَ اِنت کہ آئی ءَ مے ڈیھ ءِ سرا قبضہ کتگ مے دود مان ءَ زوال ءِ نیمگ ءَ برگ ءَ اِنت مے راجی پجّار ءَ ھتم کنئگ ءَ اِنت مے زبان ءَ بُرّگ ءَ اِنت مے مال ءُ ملکتاں برگ ءَ اِنت مے راج ئِے شُد مرک کتگ اے جنگ مے ڈیھ ءُ دودمان ءُ راجی زندے ءِ پھازگ ءِ جنگ اِنت ما اے فدائی اُرشاں کنیں کہ دژمن پروش بہ وارت پمیشکا ما گُشیں ( ما سوب مند بوتگیں مئے دژمن سک تاوانءُ زھنی دروشم ءَ پروش وارتگ ءُ اے پروش ئِے مَنِّتگ )پاکستان ءِ لشکری ءُ سُپاھیگاں ماپنجاب ءَ ھم شُت کنیں ءُ کُشت کنیں بلے ما دژمن ءِ شہرگ ءَبُرّگائیں ۔
دشمن ءَ بےواب کنگائیں ءُ کتگ اوں ۔بلے بیا کہ دشمن ءِ بےوابی ءَ دگے ٹولی ئِے ھم بے واب اِنت اے ٹولیءِ توک ءَ ہما بلوچ کہ وتا آجوئی پُسند دانشور ، زبانزانت، کواس ءُ انسانی حقانی پاسدار اش لیکھت ڈن ءِ روگ ءَ پد توامیں چیزاں چے بے سما بوتنت ءُ بلوچ جھد ءِ ھلاپ ایراد ءِ نام ءِ سرا وتی پگری نزوریءُ کودکی کردار ءَ درشان کنئگ ءَ اَنت۔
دومی نیمگ ءَ من ھمے ھبر ءَ اجب ھیراناں کہ آزاد ٹولی ہم بلوچ فدائینانی سوب مندیں اُرش ءَ چہ چیا چُش دل سُچگے ءَ گپتگ جھدکاریں سنگتانی دیم ھونی ءَ ڈوبارگایاں پرچا ؟
بلوچ فدائیناں پاکستان ءِ جند چُش ڈوبارگءَ نہ اِنت چش کہ اے ڈوبارگایاں گُش ئے کہ دل ھمیشانی روک اِنت گوں گاریں آزاد ٹولی ءِ پجّیگ ءَ دومی وت گڑھیں حق پان ءُ کوسانی ہما ٹولی کہ آیاں وت ءَ بلوچ ءِ درد وار گُشتگ ءُ پاکستان ءِ زوراکی ءَ چے وتی ساہ ءِ رکینگ ءَ درانڈیھ بوتگ ءُ بلوچ ءِ نام سرا پناہ زرتگ ایشاں پہ راجءَ چی زھم جتگ یا نہ جتگ اے درس چیز راجے دیما پدر انت؟ ایشانی انچو سال ءِ سیاسی سوبینی چی ھست اے مئےءُ شمئے دیما انت ؟ پہ نام ءِ ھاترا کس وتئی سرءَ کربان نہ کنت اماں یاسمین ءَ پہ نامءَ انا پہ زمین ءَ ریھان بکش اِتگ ۔
شما چو پاکستانی بلیک میلر ءَ اے سوب مندی ءَ بیگواھیں بلوچانی بازیابی ءِ دیم ءَ اڑاند ے پیش کنگ لوٹ اِت ۔اے وتسرےءُبے بنیادیں گپے۔ زاناں پاکستان بیگواہ کرتیں بلوچ پسگاں آجو کنگے جار جت ات کہ نیں آ یل اش نہ دنت؟ زاناں پنجابءِ مہلوک ءُ پاکستانءِ پارلیمان بلوچ بیگوہانی آزاتی ءَ پہ جُنزے بندات کرت اتاں نیں آ دلپروش باں؟بلوچ پُسگانی بیگواھی ءَ چہ اسد بلوچ ءَ بندات بکن ئے بیائے تو وت سرپد بئے کہ کدی کہ تو وتی ھک ءِ گپ کتگ انصاف ءِ لوٹ کتگ وتی آجوئی ءُ وتی دودمان رکینگ ءَ پہ توار چست کتگ پہ تئی توار ءِ گٹگیری ءَ تو بیگواہ کنئگ بوتگئے پاھو دیگ بوتگئے ۔ بلوچ بیگواھیں پسگانی آزاتیءِ لوٹ سرجمیں جہد نئیں بلکیں جہدے یک بہرےاے جنگ پہ بیگواہیں بلوچانی یل بوئگ ءِ ھاترا بنا نبوتگ بلکیں ھمے جنگ ءِ بِنا بوئگ ءَ چے مردم بیگواہ بوتگاں اے زور گیریں ریاست ءِ کاؤنٹر انسرنجنسی ءِ رپک بوتگ کہ تئی مردماں بیگواہ بکنت آیانی جوناں ویرانگاں دور بدنت کہ تو چہ وتی راجی لوٹاں دست کش بہ بئے تو زی ہمے آجوئی لوٹ کت مرچی تو وت کجام شرم ءَ بلوچ مھلونک ءَ چہ جُنز ءَ دست کشی ءِ سکین ءَ دیگ ءَ ئے چریشی زانگ بیت کہ یا تو شمارا نگن ءَ گُٹ ءَ گپتگ یا گڑاں پگرءُ زانت ھاک ءُ پُریں ۔ شما چہ وتی درانڈیھی ءَ یک سوبمندی ئِے پیش بدار اِت کہ پہ بلوچ ءَ ما اے زھم جتگ بلکیں تنگی شمارا کسّے بہہ نہ کنت۔ شما پہ زانت یا نازانتی دشمن ءِ پشکپتگیں کاراں کنگائے شمارا گوں پارلیمنٹ ءَ نشتگیں لگورءُ لُچانی پجیگ ءَ آزاد ٹولی اے شھیدانی ھون نہ بکش اَنت۔
چونیا شما نہ گند اِنت شمارا بلوچ ڈیھ ءِ سچگ چمان نئیت شما بلوچ مھلونک ءِ زار ءُ پریاتاں اِش نہ کن اِت ہمے کہ بلوچ چہ وتی ھونانی دیم ھونی ءَ چے وتا چیدگ نہ کنت پہ ایراد شمے جاک ءُ جلّل بنا بنت بلوچ ءِ توار راجی زندمان ءِ توار اِنت کسی نپ ءُ سیت ءَ نہ اِنت اگاں شمارا درد بیت ہزار درد بات