جعفرایکسپریس ٹرین پر بلوچ عسکریت پسندبی ایل اے کے حملے کے واقعے کے بعد بلوچستان کے سابق وزیراعلیٰ اختر مینگل نے ایکس پر اپنے بیان میں کہا ہے کہ ’بلوچستان کا کوئی ایسا علاقہ باقی نہیں جہاں حکومت یہ دعویٰ کر سکے کہ اُس کا کنٹرول ہے۔‘
ان کا کہنا تھا کہ ’ ہم نے خبردار کیا تھا، ہم سے پہلے والوں نے بھی خبردار کیا تھا مگر اُن باتوں کو سنجیدہ لینے کے بجائے لوگوں کا نہ صرف مذاق اڑایا گیا بلکہ لوٹ مار اور قتل عام کا بازار گرم کیا گیا‘۔
اختر مینگل نے کہا کہ ہر حکومت بلوچ نسل کشی میں برابر کی ذمہ دار رہی ہے اور ’یہ وہ واحد مسئلہ تھا جس پر تمام ادارے اور تمام تر حکومتیں ایک پیج پر رہیں ہیں اور اپنی غلطیاں تسلیم کرنے کے بجائے ہمیشہ کی طرح الزام کسی اور پر لگانا تو ان کا وطیرہ رہا ہے۔‘
اختر مینگل کا کہنا تھا کہ وفاقی حکومت، سیاسی جماعتیں، عدلیہ اور اسٹیبلشمنٹ کو سمجھ لینا چاہیے کے اب بات ’نہ ہمارے اختیار میں ہے، اور نہ ہی آپ کے۔
