بلوچ لبریشن آرمی ( بی ایل اے) کے ترجمان جیئند بلوچ بولان کے علاقے ڈھاڈر میں جعفر ایکسپریس ٹرین پر قبضے کی تازہ ترین صورتحال جاری کرتے ہوئے کہا کہ بلوچ لبریشن آرمی کے سرمچاروں نے جعفر ایکسپریس پر قبضے کے بعد قابض فوج کی زمینی کارروائی کو مکمل طور پر پسپا کر دیا ہے۔
ان کا کہنا ہے کہ شدید جھڑپوں کے بعد پاکستانی زمینی دستے پیچھے ہٹنے پر مجبور ہوگئے، تاہم پاکستانی ہیلی کاپٹروں اور ڈرونز کی بمباری ابھی تک جاری ہے۔
جیئند بلوچ نے مزید کہا کہ بی ایل اے واضح طور پر خبردار کرتی ہے کہ اگر فضائی حملے فوراً نہ روکے گئے تو تمام سو سے زائد یرغمالیوں کو اگلے ایک گھنٹے کے اندر ہلاک کر دیا جائے گا۔ اس کارروائی میں بی ایل اے کی مجید بریگیڈ، ایس ٹی او ایس، فتح اسکواڈ اور زراب یونٹ کے سرمچار بھرپور جوابی کارروائی میں مصروف ہیں، اور کسی بھی فوجی چڑھائی کا سنگین انجام ہوگا۔
انہوں نے کہا کہ دشمن فوج کے سو سے زائد اہلکار ابتک بی ایل اے کے تحویل میں ہیں۔ قابض فوج کے پاس ابھی بھی موقع ہے کہ وہ فضائی بمباری بند کر کے اپنے اہلکاروں کی زندگیاں بچائے، ورنہ تمام یرغمالیوں کی ہلاکت کی ذمہ داری پاکستانی فوج پر ہوگی۔
