پاکستان میں شمالی وزیرستان کے علاقے ایدک میں ایک خودکش حملے میںپاکستانی فوج کے 2 اہلکار ہلاک ہوگئے۔
عسکری حکام کے دعوے کے مطابق ایک خو دکش بمبار نے بارودی مواد سے بھری گاڑی فوجی قافلے سے ٹکرا دی، جس کے نتیجے میں 2 فوجی ہلاک ہوگئے۔
ذرائع نے بتایا کہ اس حملے میں 2 شہریوں سمیت کم از کم 10 افراد زخمی بھی ہوئے جبکہ حملے میں گاڑی مکمل طور پر تباہ ہوگئی۔
ہلاک اور زخمیوں کو ہسپتال منتقل کردیا گیا ہے، جب کہ سیکیورٹی فورسز نے حملہ آوروں کا سراغ لگانے کے لیے آس پاس کے علاقوں میں سرچ آپریشن شروع کردیا ہے۔
