بلوچستان کے علاقے وندر سے پاکستانی فورسز نے جھاؤ سے تعلق رکھنے والے ایک شخص کو جبری طور پر لاپتہ کردیا ہے۔ جبکہ ضلع کیچ کے علاقے دشت سے ایک نامعلوم شخص کی نعش برآمدہوئی ہے۔
ضلع لسبیلہ کے علاقہ وندر سے فورسزو خفیہ اداروں کے کارندوں نے الہی بخش ولد جمعہ خان سکنہ آواران جھاؤ کورک چر چری نامی شخص کو حراست میں لیکر جبری لاپتہ کردیا ۔
علاقائی ذرائع کے مطابق مذکورہ شخص کافی عرصہ پہلے جھاؤ سے آئے روز کے فوج کشی سے تنگ آکر وندر آکر بس گیا تھا ۔
دوسری جانب ضلع کیچ کے علاقے دشت بگدر اور گہرگ دشت کے درمیان جنگل میں ایک نامعلوم شخص کی نعش برآمدہوئی ہے۔
نعش کی اطلاع ملنے پر لیویز فورس نے اسے اپنی تحویل میں لے لیا ہے۔
تاہم اب تک اس کی شناخت نہیں ہوسکی ہے۔
