بلوچ نیشنل موومنٹ ( بی این ایم )کے وائس سینئر چیئرمین ڈاکٹر جلال بلوچ نے پاکستان کے وزیر اعظم شہباز شریف کے بیان پر ردعمل دیتے ہوئے کہا کہ شہباز شریف نے بلوچستان میں نام نہاد آپریشن عزم استحکام شروع کرنے کا اعلان کرتے ہوئے اسے بلوچستان کی ترقی اور خوشحالی سے جوڑ دیا۔
واضع رہے کہ گذشتہ روز شہباز شریف نے اپنے ایک بیان میں کہا تھا کہ بلوچستان میں فوجی آپریشن عوام کی ترقی و خوشحالی کیلئے ہورہی ہے ۔
انہوں نے سوال اٹھایا کہ عسکری اداروں کے ہاتھوں محکوموں کو اغوا کرکے ان کی مسخ شدہ لاشیں ترقی ہے۔؟
ڈاکٹر جلال بلوچ نے کہا کہ کیادیہات کے دیہات بلڈوز کرکے مکینوں کو جبری بے دخل کرنا ترقی ہے۔؟
انہوں نے کہا کہ گھروں میں لوٹ مار ازاں بعد انہیں نظر آتش کرنا، ترقی ہے۔؟
بی این ایم رہنما نے پاکستانی وزیر اعظم شہبازشریف کے بیان پر طنز کرتے ہوئے کہاکہ قابض کے تمام ہتھکنڈے ترقی کے زمرے آتے ہیں اور ہماری ترقی کا یہ سفر 1948 سے جاری ہے۔
