بلوچستان کے ضلع کیچ کے مرکزی شہر تربت میں مکران میڈیکل کالج کے طلبا نے کالج میں عدم سہولیات کے باعث احتجاجاً ایڈمن بلاک کے سامنے کیمپ قائم کرکے سی پیک روڑ کو بلاک کردیا۔
مظاہرین طلباء کے مطابق مکران میڈیکل کالج میں سہولیات کا فقدان ہے۔ کالج انتظامیہ مسائل حل کرنے میں سنجیدہ نہیں ہے، کئی بار مسائل سے آگاہ کرنے کے باوجود مسائل حل نہیں ہوئے۔
طلبہ کا کہنا ہے کہ اسکالر شپ و دیگر اہم مسائل کا سامنا ہے۔ مطالبات پر عملدرآمد ہونے تک احتجاج کا سلسلہ جاری رہے گا۔
مظاہرین نے میڈیکل کالج کے احاطے میں احتجاجی کیمپ قائم کر دیا ہے جبکہ گیٹ کے باہر سی پیک روڑ کو بھی بند کرکے ٹریفک کو معطل کردیا ہے۔
