بلوچ یکجہتی کمیٹی کے رہنما اور وائس فار بلوچ مسنگ پرسنز کے سیکر ٹری جنرل سمی دین بلوچ نے کراچی میں بی وائی سی کی پر امن مظاہرے پر پولیس گردی کی اظہار افسوس کرتے ہوئے سوشل میڈیا پلیٹ فارم ایکس پر اپنا ردعمل دیتے ہوئے کہا کہ ہم یہ کبھی نہیں بھولینگے ہمارے بزرگ سفید ریش لالاوہاب بلوچ پر جس طرح سے کراچی پولیس نے نہ صرف ان پر تشدد کیا بلکہ انکے سر سے انکی ٹوپی نکال کر زمین پر بوٹوں تلے روندتے رہے اور قہقے لگاتے رہے انکے گریبان کو پکڑ ھ کر انہیں گھسیٹ کر Prison Van میں پھینکا گیا ۔
انہوںنے کہا کہ ہم نے ظالم اور جابر ڈکیٹرز ضیا الحق جنرل ایوب اور یحی اور جنرل ٹکا کا دور نہیں دیکھا ہے مگر انکے بارے میں پڑھا اور سنا ضرور ہے۔
ان کا کہنا تھا کہ شہید بی بی بے نظیر بھٹو کے وارثوں سے ہمیں ایسی امیدیں تو نہیں ہیں مگر گزشتہ تجربات اور موجودہ صورتحال اور رویے کو دیکھ کر ہم کہہ سکتے ہیں پی پی بلوچوں کے لیے لیے کسی آمر اور جابر سے کم نہیں ہے۔
