بلوچستان کے دارلحکومت کوئٹہ میں ظہیر بلوچ کی عدم بازیابی کے خلاف لواحقین کا دھرنا آج تیسرے روز بھی دھرنا جاری ہے۔
کوئٹہ کے علاقے سریاب میں جاری دھرنے میں لواحقین نے سڑک کو بلاک کرکے ہر قسم کے آمد و رفت کے لئے مکمل بند کردیا ہے۔
گذشتہ دنوں ضلعی انتظامیہ کے ساتھ لواحقین نے مذاکرات بھی کئے تاہم مذاکرات کامیاب نہ ہونے کی صورت میں دھرنا جاری ہے۔
لواحقین کا کہنا ہے ظہیر بلوچ کی بازیابی تک دھرنا جاری رہے گا جبکہ گذشتہ روز ظہیر بلوچ کی بازیابی کیلئے احتجاجی ریلی کا انعقاد بھی کیا گیا تھا ۔
