بلوچستان کے ضلع کیچ کے علاقے تجابان میں پاکستانی سیکورٹی فورسز کی زیادتیوں کیخلاف سی پیک شاہراہ بند کرنے کا اعلان کے بعداور سیکورٹی فورسز کے افسران سے ملاقات اور فورسز کیمپ کو آبادی سے دور منتقل کرنے کی یقین دہانی پراحتجاج کوموخر کردیا گیا۔
اہلیان تجابان نے گزشتہ روز سی پیک سے متصل تجابان میں سیکورٹی فورسز کی ہر شب آبادی پر اندھا دھند فائرنگ اور مقامی آبادی کو خوف و ہراس میں مبتلا کرنے کیخلاف اور کیمپ کو آبادی سے دور منتقل کرنے کیلئے 10 جون بروز پیر کو تجابان کے مقام پر سی پیک شاہراہ ایم ایٹ کو بلاک کرنے کا اعلان کیاتھا جس پر سیکورٹی فورسز کے مقامی افسران نے علاقائی اہم شخصیات ومعتبرین سے ملاقات کرکے انہیں کیمپ آبادی سے دور منتقل کرنے کی یقین دہانی کرائی اورکہاکہ نئے کیمپ کی تعمیر30جون سے شروع کی جائے گی اور30اکتوبرتک تعمیرات مکمل کرکے کیمپ کو منتقل کردیاجائے گا جس پر اہلیان تجابان نے 30اکتوبر تک احتجاج موخر کرنے کا اعلان کردیا ۔
