بلوچ نیشنل موومنٹ کے انفارمیشن سیکر ٹری قاضی داد ریحان نے پاکستان کے زیر قبضہ جموں کشمیر میں عوامی حقوق تحریک کیخلاف جاری ریاستی کریک ڈائون پر سوشل میڈیا پلیٹ فارم ایکس پر ایک پوسٹ میں لکھا ہے کہ
یہ وہ کشمیر ہے (پاکستانی مقبوضہ کشمیر) جس کاپاکستان آزاد ہونے کا دعویٰ کرتا ہے، لیکن حقیقت بالکل مختلف ہے۔
ان کا کہنا تھا کہ گرفتاریاں، جبری گمشدگیاں اور تشدد معمول ہیں۔
قاضی داد کا کہنا تھا کہ سیاست میں فوج کی مداخلت نے پرامن جدوجہد کو خاموش کر دیا ہے جس سے شہریوں کو غلامی کا احساس ہو رہا ہے۔
واضع رہے کہ پاکستانی مقبوضہ جموں کشمیر میں سستا آٹا اور سستی بجلی کی حصول کیلئے جاری عوامی حقوق کی تحریک کیخلاف ریاست پاکستان نے مکمل کریک ڈائون کیا ہے ۔
ریاستی حکومت کی جانب سے جموں کشمیر میں ایف سی کی تعیناتی کے فیصلے کیخلاف عوامی ایکشن کمیٹی نے 11 مئی کو لانگ مارچ اوراسمبلی کے گھیراؤ اعلان کیا تھا ۔
جس کے ردعمل میں ریاستی فورسز نے آنسو گیس و لاٹھی چارج کرکے درجنوں افراد کو گرفتارکیا جبکہ ایک طلبا تشددو گیس سے جان کی بازی ہار گئی۔
ریاستی دارلحکومت مظفر آباد میں ریاست کی جانب سے فلیگ مارچ کا بھی اعلان کیا گیا جسے عوامی حلقوں نے مکمل مستردکردیا اور حالات مکمل طور کشیدہ ہیں۔اور مظفر آباد میں دس دن کے لیے دفعہ 144 نافذ کردیا ہے ۔
