حال ہی میں وفات پانے والے بلوچستان کے نوجوان فوٹو گرافر کمانچر بلوچ کی یاد میں کراچی میں ایک کینڈل واک کا اہتمام کیا گیا۔
بلوچ یکجہتی کمیٹی کی جانب سے منعقد کی گئی کینڈل واک بی وائی سی (کراچی) کے ڈپٹی آرگنائیزر لالا وہاب بلوچ کی سربراہی میں بروز ہفتہ مغرب کے بعد لیاری آٹھ چوک میں ہوا۔
واک میں بہت سے لوگوں نے شرکت کی اور کمانچر کو خراج تحسین پیش کیا۔
اس موقع پرلالا وہاب نے اپنے خطاب میں کہا کہ کمانچر نہ فقط ایک فوٹوگرافر تھا بلکہ شئے مرید تھا جو ہانی کا دیوانہ تھا۔ عکس کشی تو بہت سے لوگ کرتے ہیں لیکن کمانچر بلوچستان سے عشق کو زندگی بخشی۔ مکران کو کوہ سلیمان کے ساتھ تصویروں کے ذریعے متعارف کروانے میں کمانچر کا کردار ہے۔
ان کا کہنا تھا کہ ہم لیاری کے لوگ کہاں جانتے تھے کہ کوہ سلیمان میں بیہو نام کی بھی جگہ موجود ہے لیکن ہمارے لوگوں اور ہماری زمین سے ہمیں کمانچر نے متعارف کروایا۔
آخر میں لالا وہاب نے بتایا کہ ہم کمانچر کو کسی صورت فراموش نہیں کرسکتے کیوں کہ جب اوتھل بیلہ میں سیلاب آیا تھا وہ کمانچر تھا جس نے بلوچ قوم کو جھنجھوڑا اور نصیر آباد بھی ہمیں کمانچر بلوچ لے گیا تھا۔
لالا وہاب نے کمانچر کو شئے مرید کا نام دیا اور کمانچر کے عشق کو وطن کے لئے سراہا۔ کل بروز اتوار ملیر صدیق گوٹھ میں مغرب کے بعد شمیں جلائی جائیں گی۔
