پاکستان کے صوبے خیبرپختونخوا کے ضلع ڈیرہ اسماعیل خان میں یارک ٹول پلازہ کے قریب نامعلوم مسلح افراد کی فائرنگ سے کسٹم کے 2 اہلکار ہلاک اور 4 زخمی ہوگئے۔
پولیس کے مطابق ڈیرہ اسماعیل خان یارک ٹول پلازہ کے قریب نامعلوم مسلح افراد نے کسٹم اہلکاروں کی گاڑی کو نشانہ بنایا۔
مرنے والوں میں انسپکٹر اور سپاہی شامل ہیں۔
ہلاک اور زخمیوں کو ڈی ایچ کیو ہسپتال منتقل کر دیا گیا۔
پولیس کی بھاری نفری نے جائے وقوعہ کو گھیرے میں لے لیا ہے۔
