پاکستان کے دارلحکومت سندھ کے شہر کراچی سے پاکستانی فورسز کے ہاتھوں جبری گمشدگی کے شکار 2 بلوچ نوجوانوں کی لاشیں برآمد ہوئی ہیں۔
لاشوں کی شناخت نوجوان باکسر شعیب بلوچ ور زمان بلوچ کے ناموں سے ہوگئی ہے ۔
دونوں نوجوانوں کو12 اگست 2023 کو کراچی کے علاقے لیاری سنگھولین سے پاکستانی فوج نے حراست میں لیکر جبری گمشدگی کا نشانہ بنایا تھا۔
علاقائی ذرائع کا کہان ہے کہ 12 اگست 2023 کو کراچی کے علاقے لیاری سنگھولین سے
فوج نے جبری گمشدگی کے شکار دونوں نوجوانوں کو دوران حراست قتل کرکے لاشیں پھینک دی ہیں۔
بی این ایم کے ادارے پانک کا سماجی رابطے کی ویب سائٹ ایکس پر ایک بیان میں پاکستانی فورسز کے ہاتھوں شعیب بلوچ کے ماورائے عدالت قتل کی شدید مذمت کرتے ہوئے کہا کہ انہیں 17 اگست 2023 کو پاکستانی فورسز نے جبری طور پر لاپتہ کر دیا تھا۔ شعیب کے اہل خانہ کو آج پاکستانی انٹیلی جنس ایجنسیوں کی جانب سے کال موصول ہوئی کہ وہ کراچی کے اسپتال سے اس کی لاش لے جائیں۔
خیال رہے کہ مذکورہ افراد کی جبری گمشدگی کے خلاف لواحقین کی جانب سے کراچی پریس کلب کے سامنے احتجاجی مظاہرہ بھی کیا گیا تھا۔
