مات پہ زریت بچّ ءَ، پِت کماشیں بیت ارسی، اِش کُتگ پد ءَ ائید اِیں
گْوھار کن اَنت اِیں پِریات ءُ لوگ سرجم ءَ پُرسی ، اِش کُتگ پد ءَ ائید اِیں
جاھے ادلِساں نوکیں میر ءُ واجھی لوگاں ، ءُ جاھے گردو ءِ تنگی
کئے گریب ءِ گمواریں، کئے بِہ کنت ھدا تُرسی، اِش کتگ پد ءَ ائید اِیں
زر ءُ مال ءِ پدگیراں نیست گریب ءِ چاروگِر ، درست پہ وتاں مرچاں
کئے دل ءَ بہ سھڑینیت ، کس نہ انت اِد ءَ کسّی، اِش کُتگ پدءَ ائید اِیں
دریگتیں منی راج ءَ پہ بندی ئیں گُل ءُ لالاں ،چِست کُتیں یک آوازے
گاراں نوجوان راج ءِ ، یا بہ بنت دگہ دُرسی، اِش کُتگ پد ءَ ائید اِیں
کُرتگیں تئی ھر کار گُوْست ءِ دپتر ءَ نکش اِنت ، الّم ءَ ترا جُست بیت
کسّے تلوسیت چُنڈّے تو پہ زندگ ءِ کُرسی ، اِش کتگ پد ءَ ائید اِیں
