مغربی بلوچستان میں سرحدی علاقے بمپشت سروان میں نامعلوم مسلح افراد کی فائرنگ سے 9 پاکستانی شہری ہلاک ہوگئے۔
گزشتہ شب پیش آنے والے واقعہ میں 3 افراد زخمی ہوگئے۔
واقعے میں ہلاک ہونے والے 2 افراد کی شناخت عثمان اور اشفاق کے نام سے ہوئی ہے جبکہ مارے گئے دیگر 7 کی شناخت نہیں ہوسکی۔
ذرائع کے مطابق مغربی بلوچستان میں ہلاک کیے گئے 5افراد کا تعلق علی پور کے مختلف علاقوں سے ہے ۔
ایران میں پاکستانی سفیر مدثر ٹیپو نے سماجی رابطوں کی ویب سائٹ ایکس پر واقعے کی تصدیق کی ہے ۔
ابھی تک کسی بھی گروپ یا تنظیم نے واقعے کی ذمے داری قبول نہیں کی۔
