بلوچستان کے دارلحکومت کوئٹہ میں بلوچ جبری گمشدگیوں میں اضافہ اورلاپتہ افراد کو جعلی مقابلوں میں بہیمانہ قتل کے خلاف وی بی ایم پی کی جانب سے احتجاجی مظاہرہ کیا گیا۔
وائس فار بلوچ مسنگ پرسنز کی جانب سے احتجاجی مظاہرہ کوئٹہ پریس کلب کے سامنے کیا گیا۔
احتجاجی مظاہرے میں شریک مظاہرین نے مسنگ پرسنز کی فوری طور پر بازیابی کے مطالبہ کیساتھ ساتھ مسنگ پرسنز کو جعلی مقدمات میں قتل کرنے اور لواحقین کو ٹارچر کرنے کیخلاف شدید نعرے بازی کی۔
مظاہرین نے جبری گمشدگیوں کی بھرپور مذمت کرتے ہوئے اور مطالبہ کیا کہ تمام سیاسی قیدیوں کو فوراً رہا کیا جائے اور اگر وہ کسی جرم کے مرتکب ہوئے ہیں تو انہیں عدالت میں پیش کیا جائے۔
