بلوچ لبریشن آرمی کے ترجمان جیئند بلوچ نے میڈیا کو جاری کردہ اپنے ایک پریس ریلیز میں پاکستانی فوج پر حملوں اور فوج کی آلہ کار کی ہلاکت کی ذمہ داری قبول کرلی ہے۔
ترجمان کا کہنا تھا کہ بی ایل اے کے سرمچاروں نے مارواڑ سے گرفتار کیئے گئے ایک ریاستی آلہ کار حاجی جلال سمالانی کو قومی غداری کے مرتکب ہونے پر ہلاک کردیا جبکہ پنجگور میں دو مختلف حملوں میں قابض پاکستانی فوج کو نشانہ بنایا۔
بیان میں کہاگیا کہ بلوچ لبریشن آرمی کے سرمچاروں نے گذشتہ مہینے مارواڑ، سری کچ کے علاقے میں ایک چھاپے کے دوران قابض پاکستانی فوج کے ایک آلہ کار حاجی جلال ولد حاجی عظمت سمالانی سکنہ پیراسماعیل کو حراست میں لیا۔
انہوں نے کہا کہ دوران تفتیش جلال نے اعتراف کیا کہ وہ کافی عرصے سے قابض پاکستانی فوج کے پیرول پر کام کرتا رہا ہے۔ حاجی جلال نے اعتراف کیا کہ اس نے نارواڑی میں پاکستان فوج کے کرنل مدثر سے ملاقات کی اور بعدازاں اس کی سرپرستی میں کام کررہا تھا۔
ترجمان کاکہناتھاکہ آلہ کار جلال نے اعتراف کیا کہ کرنل مدثر کے کہنے پر اس نے علاقے میں ایک ڈیتھ اسکواڈ تشکیل دیا جن کو دشمن فوج کی جانب سے اسلحہ اور رقم فراہم کیا گیا۔ اس نے بتایا کہ اس دوران قبیلے کے جن افراد نے ان کی حمایت نہیں کی ان کو فوج نے لاپتہ کرکے اذیت دی۔
انہوں نے کہا کہ حاجی جلال نے اعتراف کیا کہ اس نے بلوچ جہدکاروں کے راستوں کی نشاندہی سمیت فوجی آپریشنوں میں دشمن فوج کی معاونت کی جبکہ اس نے اپنے نیٹورک سے منسلک دیگر افراد کے نام بھی افشاں کیئے۔
جیئند بلوچ نے کہا کہ حاجی جلال کو بلوچ قومی عدالت نے غداری کا جرم ثابت ہونے پر سزائے موت سنائی، جس پر عمل درآمد کرتے ہوئے گذشتہ دنوں بی ایل اے کے سرمچاروں نے ہرنائی میں ہلاک کرکے اس کے منطقی انجام تک پہنچایا۔
ان کاکہاتھا کہ دریں اثناء گذشتہ رات بلوچ لبریشن آرمی کے سرمچاروں نے پنجگور میں دو مختلف حملوں میں قابض پاکستان فوج کو نشانہ بنایا۔
بیان میں کہاگیا کہ بی ایل اے سرمچاروں نے پہلا حملہ چتکان میں قابض پاکستانی فوج کے مرکزی کیمپ کے حفاظتی چوکی کو دستی بم حملے میں نشانہ بنایا، دھماکے کے نتیجے میں کم از کم دو دشمن اہلکار زخمی ہوگئے۔
انہوں نے کہا کہ دریں اثناء بی ایل اے کے ایک اور دستے نے رخشان ندی کے مقام پر قائم دشمن فوج کے پوسٹ پر گرنیڈ لانچر سے متعدد گولے داغے، دھماکوں کے نتیجے میں ایک دشمن اہلکار ہلاک ہوگیا قابض فوج کو مزید جانی و مالی نقصانات کا سامنا کرنا پڑا۔
ترجمان نے مزید کہا کہ بلوچ لبریشن آرمی ان حملوں کی ذمہ داری قبول کرتی ہے۔ قابض پاکستانی فوج اور اس کے شراکت داروں کیخلاف ہماری کارروائیاں جاری رہینگے۔
