بلوچستان کے علاقے جھل مگسی اورنصیر آباد میں غیرت کے نام پر3خواتین سمیت5افرادکوقتل کردیا گیا۔
جھل مگسی کے ہیڈ کوارٹر گنداواہ محلہ بپڑ میں رات گئے نامعلوم مسلح افراد نے گھر میں گھس کر اندھا دھند فائرنگ کردی جس کے نتیجے میں ایک شخص عبدالکریم لاشاری اور انکی بیوی ہلاک ہو گئی جبکہ3 بچے فرمان سلیمان اور لاشار خان زخمی ہوگئے۔
واقعے کے فوراً ملزمان فرار ہو نے میں کامیاب ہو گئے۔
مزید کاروائی جا ری ہے۔
دوسرعی جانب نصیرآباد کے علاقے خان کوٹ پولیس تھانہ کی حدود گوٹھ سلیمان میں چچا دیدار نے غیرت کے نام پر فائرنگ کرکے بھتیجی مسمات( و) اور مبینہ آشنا محمد صابر کوقتل کردیا ۔
دیدار علی آلہ قتل سمیت ملزم فرار ہونے میں کامیاب ہوگیا۔
واقعہ کے بعدپولیس نے نعشیں پوسٹ مارٹم کےلیے سول ہسپتال پہنچادیں جبکہ مقدمہ درج کرکے ملزم کی گرفتاری کےلیے چھاپے مارے جارہے ہیں۔
علاوہ ازیں نصیرآباد کے علاقے خان کوٹ پولیس تھانہ کے گائوں گرام خان میں مبینہ طور پر بیٹے محمد اسلم نے فائرنگ کرکے اپنی ماں مسمات ( ع) کو قتل کرکے خفیہ طور پر گھر کےصحن میں قبر کھود کرکے دفن کردیا۔
پولیس کے مطابق جب دوسرابیٹا شوکت خان واپس آیا تو ماں کا بھائی کے ہاتھوں قتل کا سن کر فائرنگ کرکے اپنے بھائی محمد اسلم کو شدید زخمی کردیا اور فرار ہوگیا۔
واقعہ کی اطلاع ملتے ہی پولیس نے ملزمان کو فوری گرفتار کرنے کا حکم دیا جس پر ماں کو قتل کرنے والے سفاک قاتل محمد اسلم کو زخمی حالت میں گرفتار کرلیا گیا تاہم مقتولہ عائشہ بی بی کی نعش نکالنے کےلیے ضروری کارروائی شروع کردی گئی ہے۔
