بلوچ لبریشن آرمی کے ترجمان جیئند بلوچ نے میڈیا کو جاری کردہ اپنے ایک پریس ریلیز میں کوئٹہ میں سی ٹی ڈی آفیسر کو ہلاک کرنے کی ذمہ داری قبول کرلی۔
ترجمان کاکہنا تھا کہ بی ایل اے کے سرمچاروں نے آج کوئٹہ میں قابض پاکستان کے پولیس فورس کے ذیلی ادارے سی ٹی ڈی کے ایک آفیسر کو فائرنگ کرکے ہلاک کردیا۔
بیان میں کہا گیا کہ بی ایل اے کے سرمچاروں نے جیل روڈ، ہدہ کے مقام پر سی ٹی ڈی ہیڈ کانسٹیبل سید محمد سکنہ اسپنی روڈ، مبارک چوک کوئٹہ کو فائرنگ کرکے ہلاک کردیا۔
انہوں نے کہا کہ مذکورہ اہلکار قابض پاکستانی پولیس کے ادارے سی ٹی ڈی سے منسلک تھا۔ مذکورہ ادارہ بلوچوں کے گھروں پر چھاپوں، لوگوں کی تذلیل، جبری گمشدگیوں اور جعلی مقابلوں میں لوگوں کو قتل کرنے جیسے جرائم میں ملوث ہے۔
ترجمان نے کہا کہ مذکورہ اہلکار ان جرائم کا مرتکب ہونے پر بی ایل اے کی ٹارگٹ لسٹ پر تھا، جس کو آج سرمچاروں نے اس کے منطقی انجام تک پہنچا دیا۔
بیان میں کہاگیا کہ بلوچ لبریشن آرمی اس حملے کی ذمہ داری قبول کرتی ہے اور اس عزم کا اعادہ کرتی ہے کہ بلوچستان سے قابض پاکستانی فوج کے مکمل انخلاء تک ہماری کارروائیاں جاری رہینگی۔
