بلوچستان کے ضلع آواران کے علاقے مشکے میں نامعلوم مسلح افراد نے فائرنگ کرکے ایک شخص کو ہلاک کردیا۔
ہلاک ہونے والے شخص کی شناخت ذاکر ولد جما ل خان سکنہ مشکے کے نام سے ہوگئی ہے ۔
واقعہ مشکے کے علاقے قلات ِ چیر میں پیش آیا۔
سنگرنیوزکو ملنےوالی اطالاعات کے مطابق آج شام بروزبدھ کو نامعلوم مسلح افراد نےذاکر جمال کو اس وقت فائرنگ کرکے ہلاک کردیا جب وہ موٹر سائیکل پر جارہے تھے ۔
علاقائی ذرائع کا کہنا ہے مسلح افراد کے حملے میں ہلاک ہونے والے شخص کا تعلق ریاستی مسلح گروہ تھا۔
ذرائع بتاتے ہیںکہ حملہ آوروں نے مذکورہ شخص کی ہلاکت کے بعداس کا موٹر سائیکل اور بندوق اپنے ساتھ لے گئے ۔
اب تک اس حملے کی ذمہ داری کسی تنظیم نے قبول نہیں کی ہے اور نہ ہی مقامی انتظامیہ کی جانب سے اس کی تصدیق کی گئی ہے ۔
