بلوچستان کے ضلع کیچ کے علاقے تربت میں بل نگور کے علاقہ کہیرن میں نامعلوم مسلح افراد کی فائرنگ سے 2 افراد ہلاک ہوگئے۔
پولیس ذرائع کے مطابق آج صبح نامعلوم مسلح افراد نے ملا امام ولد محمد بخش اور سکندر ولد اسلم کو فائرنگ کرکے قتل کر دیا اور فرار ہوگئے۔
مقتولین اپنے کھیتوں پر کام کررہے تھے کہ نامعلوم حملہ آوروں کی فائرنگ سے ہلاک ہوگئے۔
واقعے کے بعد ملزمان فرار ہونے میں کامیاب ہوگئے جبکہ لاشوں کو ضروری کارروائی کے لیے قریبی اسپتال منتقل کر دیا گیا ہے۔
حکام کے مطابق واقعے کی مزید تحقیقات جاری ہیں۔
