بلوچستان لبریشن فرنٹ کے ترجمان میجر گہرام بلوچ نے میڈیا کو جاری کردہ اپنے ایک پریس ریلیز میں مشکے میں پاکستانی فوج پر حملہ اور ایک اہلکار کی ہلاکت کی ذمہ داری قبول کرلی۔
ترجمان کا کہناتھا کہ بلوچستان لبریشن فرنٹ کے سرمچاروں نے مشکے میں فوجی چوکی پر حملہ کیا ہے، جس سے ایک اہلکار ہلاک اور ایک زخمی ہوا ہے۔
انہوں نے کہا کہ سرمچاروں نے مشکے کے علاقے تنک میں فوجی چوکی کیلئے پانی جانے والی دو فوجی اہلکاروں کو اسنائپر سے نشانہ بنایا، جس سے ایک اہلکار موقع پر ہلاک اور ایک زخمی ہوا ہے۔ اس کے بعد سرمچاروں نے چوکی پر خودکار بھاری ہتھیاروں سے حملہ کیا جس سے قابض فوج کو مزید نقصان اُٹھانا پڑا ہے۔
ترجمان نے کہا کہ بی ایل ایف اس حملے کی ذمہ داری قبول کرتی ہے۔ یہ حملے بلوچستان کی آزادی تک جاری رہیں گے۔
