بھارت نے اپنی فوجی طاقت میں اضافہ کرنے کیلئے جمعرات کو ساڑھے آٹھ ارب ڈالر مالیت کے میزائل، ہیلی کاپٹر، آرٹلری گنز اور الیکٹرانک جنگی نظام کی خریداری کی منظوری دی ہے۔
وزارت دفاع نے ایک بیان میں کہا، بھارتی فوج کے لیے سرمایہ کی منظوری دینے والے اعلیٰ سرکاری ادارے، دفاعی حصول کونسل (ڈی اے ایف نے اپنی تمام خریداریوں کے لیے 705 بلین روپے (8.52 بلین ڈالر ز) کی منظوری دی۔
ملکی دفاعی مینوفیکچرنگ کو فروغ دینے کے لیے، وزیر اعظم نریندر مودی کی حکومت کی طرف سے زور دیا گیا ہے کہ تمام آرڈر بھارتی کمپنیوں کو دیے جائیں گے۔
جمعرات کو بحریہ کی ترقی کے لیے 560 بلین روپے کی منظوری دی گئی ۔ بحریہ پر توجہ دینے کی ضرورت اس وقت محسوس ہوئی ، جب گزشتہ سال بحر ہند میں چینی سرگرمیاں تیز ہوئیں ۔اس پر بھارت نے بہت تشویش کا اظہار کیا ۔
منظور شدہ خریداریوں کی فہرست میں بحریہ کے لیے 200 اضافی براہموس میزائل، 50 یوٹیلٹی ہیلی کاپٹر اور الیکٹرانک وارفیئر سسٹم شامل ہیں۔
براہموس ایک سپرسانک میزائل ہے جس کی رینج تقریباً 300 کلومیٹر ہے جسے بھارت اور روس نے مشترکہ طور پر تیار کیا ہے۔ تینوں بھارتی ملٹری سروسز ایک دہائی سے زیادہ عرصے سے میزائل کے مختلف ورژن استعمال کر رہی ہیں۔
ڈی اے سی نے ڈیزل میرین انجن کی تیاری کو بھی منظوری دی، یہ بھارت کے لیے اس طرح کا پہلا انجن ہو گا۔
اس نے فضائیہ کی تجویز کو منظور کرتے ہوئے ، طویل فاصلے کے اسٹینڈ آف ہتھیار خریدنے کی اجازت دی جنہیں سخوئی-30 لڑاکا جیٹ کے ذریعے استعمال کیا جائے گا۔
فوج کو 155 ملی میٹر 52 کیلیبر کی توپوں کو لے جانے والے 307 یونٹوں کو خرید کی منظوری دی گئی جن کے ساتھ تیزی سے حرکت کرنے والی گاڑیاں اور توپیں لے جانے والی گاڑیاں خریدنے کی بھی شامل ہیں۔
