مارواڑ میں پاکستان فوج کے رسد گاڑی کو تباہ کرکے ڈرائیور کو گرفتار کرلیا، بی ایل اے

ایڈمن
ایڈمن
2 Min Read
فوٹو : ھکل میڈیا

بلوچ لبریشن آرمی کے ترجمان جیئند بلوچ نے میڈیا کو جاری کردہ اپنے ایک پریس ریلیز میں مارواڑ میں پاکستان فوج کے رسد گاڑی کو تباہ کرکے ڈرائیور کو گرفتار کرنے کی ذمہ داری قبول کرلی ہے ۔

ترجمان نے کہا کہ بلوچ لبریشن آرمی کے سرمچاروں نے گذشتہ روز بولان کے علاقے مارواڑ میں قابض پاکستان فوج کی ایک رسد کی گاڑی کو تباہ کردیا۔

بی ایل اے کے سرمچاروں نے دشمن فوج کیلئے راشن لیجانے والی گاڑی کو نذر آتش کرکے راشن کو اپنے قبضے میں لے لیا جبکہ گاڑی کے مقامی ڈرائیور حیدر خان ولد سانول خان کو حراست میں لے لیا۔

زیر حراست ڈرائیور حیدر خان نے دوران تفتیش اعتراف کیا کہ وہ طویل عرصے سے دشمن فوج کو راشن سپلائی کرتا آرہا ہے۔ ڈرائیور پر مقدمہ بلوچ قومی عدالت میں چلایا جائے گا۔

بلوچ لبریشن آرمی بولان، ہرنائی و سبی سمیت دیگر علاقوں میں مقامی افراد کو قابض فوج کی کسی بھی طرح کی معاونت سے باز رہنے کی تلقین کرچکی ہے۔ ہم مقامی افراد کو دوبارہ متنبہہ کرتے ہیں کہ اس طرح کے کسی بھی عمل کا حصہ نہ بنیں وگرنہ اپنے جانی و مالی نقصان کے ذمہ دار وہ خود ہونگے۔

Share This Article
Leave a Comment