حکومت بلوچستان نے کورونا کی روک تھام کے لیے ماسک پہننے یا ناک اور منہ کو کسی اور کپڑے سے لازمی ڈھانپنے کے حوالے سے باقاعدہ نوٹیفیکیشن جاری کردیا ہے۔
محکمہ داخلہ بلوچستان کے ایک نوٹیفیکیشن کے مطابق لوگ غیر ضروری طور پر اپنے گھروں سے باہر نکلتے ہیں جس کے پیش نظر ماسک پہننے یا کسی اور کپڑے سے ناک اور منہ کو ڈھانپنے کو لازمی قرار دیا جاتا ہے۔
نوٹیفیکیشن کے مطابق خلاف ورزی کرنے والوں کے خلاف قانون کے مطابق کاروائی کی جائے گی۔
نوٹیفیکیشن میں شہریوں سے درخواست کی گئی ہے کہ شناخت کے حوالے سے قانون نافذ کرنے والے اداروں سے تعاون کریں۔
