بلوچستان کے دارلحکومت کوئٹہ میں قلات سے تعلق رکھنے والی خاتون کی لاش گھر سے برآمد ہوئی ہے۔
پولیس نے مقدمہ درج کرکے لاش کو پوسٹ مارٹم کے لئے ہسپتال منتقل کردیا۔
پولیس حکام کے مطابق جمعہ کو کوئٹہ کے علاقے سریاب روڈ پر واقع گلشن ٹاؤن میں ایک گھر سے 18سالہ سمیرا کی لاش ملی جو قلات کی رہائشی ہے۔
پولیس کے مطابق لڑکی قلات کی رہائشی تھی جو ایک ہفتہ قبل اپنے دوست کے ہمراہ کوئٹہ آئی تھی اور دوست کے گھر پر ہی رہائش پذیر تھی۔
حکام کے مطابق لاش پر تشدد کے نشانات نہیں ہیں البتہ لاش کے قریب سے زہریلی دوائی کی بوتل بھی ملی ہے۔
حکام نے بتایا کہ پولیس نے لواحقین کی مدعیت میں مقدمہ درج کرلیا ہے اور نامزد ملزم کی گرفتاری کے لئے چھاپے مارے جا رہے ہیں۔
پولیس ذرائع نے بتایا کہ پوسٹ مارٹم رپورٹ آنے کے بعد ہی اصل حقائق سامنے آئیں گے۔
